Experiencia de asistencia remota nunha asignatura base dunha enxeñería

Neste traballo reflíctese unha experiencia de asistencia remota nunha asignatura base dunha enxeñería. Trátase da asignatura Resistencia dos Materiais, impartida no segundo cuatrimestre en distintos graos no ámbito da enxeñería industrial. A teoría, boletíns de exercícios e prácticas de laboratorio impartíronse en modalidade asíncrona mediante videos breves realizados con ScreenCastOMatic, usando como repositorio a páxina de Moodle da asignatura. Asociado a cada tema había un cuestionario Moodle para reforzar a teoría. Realizouse unha programación síncrona de casos prácticos con un foro de dúbidas asociado. A avaliación constaba de exame final, cuestionarios e práctica de laboratorio. Os exercicios do exame abríanse paulatinamente en Moodle e resolvíanse a man para ser posteriormente escaneados e enviados via correo electrónico. As tutorías, resolvéronse síncronamente por correo electrónico. As incidencias foron pouco significativas, debidas maioritariamente á entrega do exame fóra do prazo establecido. Os resultados, vistos coa perspectiva de anos anteriores, foron excelentes non só pola elevada taxa de éxito, senon tamén pola baixa taxa de non presentados.